أن شاء الله لي رجعة بعد ما أتفرج على المسلسلات في الإعادة بعد العيد
لأنو في مسلسلات زي زورة الخميس وأميمة في دار الأيتام
وليلة عيد وزهرة وأزوجها الخمسة أبغى أتابعهم بعد العيد

لان دحين يا دوب أتفرج كم برنامج
اما المسلسلات لقطات منها
وطاش ما طاش شفت منو ثلاثة حلقات
وزي فروحة ما كملت حلقة رقية
واليوم شفت حلقة الزواج الجماعي
ومن يوم شفت الخيمة قلت أكيد زوجة عبد العزيز
حــ تحرق الخيمة زي ما سوت الكويتية
وإنهم جالسين يقلدوا حريق الجهراء

وزي ما كتبتي العنوان ما بين الجد والهزل
وكمان التسلية ولعب في العقول
يعني حــ تلقي في كل القنوات كل شي
من لعب وترفيه وأنواع وأشكال
بس من جد اللي يتابعوا كل شي
وينسوا انو رمضان شهر القران والعبادة
ليه ما يذكروا انو رمضان ما ينعاد عليهم إلا كل سنة
وانو اللي يشاهدوا يعيدوا بعد رمضان
يعني ما أقول ما نتفرج لكن نقسم وقتنا اغلبوا لطاعة
الله يهديني ويهدي الجميع لما يحبه ويرضه

تسلمي غيوم على الطرح الأكثر من المتميز
الله يعطيك العافية ويسعدك ربي

أكيد غاليتي ومن دون شك مو رمضان وبس اللي تكون فيه للعبادة
بس أنا قصدت بردي أن شهر رمضان كل المسلسلات تنعرض فيه
وبعدين أنا ما قلت لك انك قلتي شي
وعادي أنتي طرحتي لنا المسلسلات اللي تنعرض واللي الأغلب يتابعها
ولا ثانك يو على واجب
إذا أنتي حسيتي في ردي أني أقصدك أو اقصد لطرحك المسلسلات
هادى إحساسك ما اقدر أغيروا ليك وأكيد لا قصدت انك تافه ولا شي
كانت مجرد نصيحة مني للي جالسين يتابع اغلب المسلسلات اللي تنعرض
واللي عددها يتجاوز 60 ما بين المصري والخليجي والشامي وغيروا
يعني من جد غريبة إلي يتابعوا 8 أو 10 مسلسلات غير البرامج أي خلوا وقت العبادة

وبعدين إذا قريتي ردي ما كنت لا اقصد طرحك ولا اللي حسيتي فيه
لأنك نسختي ردي كتبت (بس من جد اللي يتابعوا كل شي)
على العموم هادي أول سنة لي ما أتابع غير بعض حلقات طاش ما طاش
وبعض البرامج وإذا كنت نزلتي عن البرامج كنت أول من دخلت وكتبت لك اللي أتابعه
أتمنى تحسني الظن فيني وفي ردي